O sábado, 17 de outubro, presentamos en Melide os resultados provisionais dunha investigación sobre os xogos e enredos do Camiño. É un proxecto ao abeiro da “Cátedra do Camiño de Santiago e das Peregrinacións”, está dirixido por profesorado das Universidades de Santiago e da Coruña, e nel participa activamente a Asociación Galega do Xogo Popular e Tradicional (AGXPT) con sede en Melide.
Ningún sitio mellor ca Melide, unha das capitais do xogo tradicional en Galicia e onde conflúen Camiños de Santiago moi diversos, para dar a coñecer os primeiros resultados dun traballo profundo que nos axudará a entender algo mellor as peregrinacións a Santiago ao longo dos séculos.
Esperámoste!